๑ مول الإمارات بعدستي ๑

[غنَاتْيـے]

๑ السلام عليكم ورحمة الله وبركاته ๑
.
.
هلا به عد نسناس الصبا والمطلعي والياه..!
وياهلا عد مويات البحر عبر الغبيب السود..
وياهلا عد مايرعى خشيف الريم في مفلاه..!
أو خفق الطير في طرد الحباري منحد وصعود..
وياهلا عد ما يسجع حمام الراعبي بغناه..!
وعد النقش من حنا الروايب في كفوف الخود..
.
.
اسعد الله مسائكم / صباحكم ..بكل أنواع الورد..!
اشحالكم ربكم بخير..!!
أول شي باركولي ظهرت نتايجي وناجحه درجاتي...ok...!
اللي يبى اييب لي هديه لا يستحي..^.^
.
.
اليــوم العصر سرت دبي.." مول الإمارات " وقلت مايصير ماصطحب معايه اخواني واخواني في برزة الشحوح..^.^
.
.
إن شاءالله تعجبكم الصور ولا تحرموني من تعليقاتكم الطيبه..!!
.
.
زوايا مختلفه من المول..!
.
.
.

.
.
ميــرانا..!
.
.

.
.
اللي شراتي إجازه ورقاد لين العصــر..لازم بينش يوعان..So..قعدنا في كوفي عسب اطلب لي شي لانه بيغمى عليه من اليوع..!!
.
.

.
.

My Order
.
.
هوت شوكليت..^.^
.
.

.
.
جيس كيك..!
.
.

.
.

هني ميره استسلمت للرقاد حليلها تعبت..^.^

.
.

.
.
جوله خفيفه ع المحلات اللي حدرتها..^.^
.
.

.
.

.
.

.
.
إن شاءالله الصور عجبتكم والسموحه ع القصور..!!​

 

[قمر روس اليبال]

رد : ๑ مول الإمارات بعدستي ๑

امممممممممممممم


روووعة عااااد أنا سرت المول أيام عيد الاتحاد شو الزحمة


ماقدرت احط ريولي من الزحمة


وسط الزحمة


صديت وراي شفت الفنان رجب حسن


كنت بقوله دورك في المسلسل زفت شرات ويهك بس مسكت عمري








خخخخخخخخخخخخ


تسلمين غناتي ع الصور

 

[سندريلا الشحوح]

رد : ๑ مول الإمارات بعدستي ๑


وعليكم السلااام ورحمة الله وبركااته ..



هلااااااا والله .. مرحبااااا السااع غناتي .. العيووز ..^_^



بالبركه بالبركه .. كلوووولوووووووووش ..



لاا تحلفين لااازم ايبلج هديه الله يهدااج ليش جي تحلفين لاا تستحي عاادي هههههههههههههههههه ..




روعــــــــــه في روعـــــــــه ..



شي مب غريـب عليج الابداع والتميز ..





فديييت ميراناا وميره يحليلهاا تعبتوهاا فديت قلبها اناا ..




تسلميين ع المشااركه المميزه .. والله يعطيج العاافيه ..




وكل يووم تعااااالي ..^_*




السندريـــــــلاا ..

 

[الماسة الحمراء]

رد : ๑ مول الإمارات بعدستي ๑

اكيييييييييييد

روووووووووووووووووووووعة




يا رووووووووعة انتي

ماشالله عليج خطيرة و فنانه من اول


فديت تصويرج انا









يا حيج والله يالغاليه








اختج الماسة الحمراء

 

[مـيثه]

رد : ๑ مول الإمارات بعدستي ๑

ما شاء الله ولا اروع

ان شاء الله الثلاثاء او الاربعا معزمين نروح صوبه


وان شاء الله بنخطف صوب المدينة الثلجية


ومشكوره ع الصور الغاوية


ميثه

 

[بن ماكس]

رد : ๑ مول الإمارات بعدستي ๑

السلام عليكم ورحمة الله...

اول شي..الله يخس هالشباب..قصو علي ودوني البر..
تهشمت عظامي من البرد..لا جاكيت..لا لحاف خليت..ماشي الا ايلس في السياره وما انزل..من البرد..
توي ياي...اتراقل..لوووول..
المهم..
وين سرت انا طلعت برع الموضوع..بيقولون مساعد اداري ويطلع عن المواضيع...
المهم ندخل في الموضوع..وهو تصوير متميز من غناتي..
من زمان ما شفت مواضيعج وتصويرج..
ويا حي مول الامارات..بزيارتج...
الله يعطيج العافيه على التصوير الرائع..والله يخلي هالحلوه الي راقده..
بسابع نومها..ولا على بالها...الدنيا حلوه ..لووول...
عيبتني الصوره الاخيره...وايد حلوه..
ربي يسلمج..ولا تحرمينا من يديدج..

بن ماكس

 

[خبراوي]

رد : ๑ مول الإمارات بعدستي ๑

السلااااااااااااااااااااااام عليكم ياهل الدار


شحال كلن بحاله


لحظه اسلم ع العيوز العوده شحالج يمه عساج بخير بشرينا عنج


ياسلاااااااااام ياسلااااااااااام شو هل التصوير الروعه والابداع مافيج حيله يالعيوز والله الصور كلها رووووعه


وفديت ميراني انا فديت قلبها يارب


والف تحيه وسلام للمصوره المبدعه غناتي


تحياتي لج اخوج ،،،، خبراوي

 

[الــمــفــتــون]

رد : ๑ مول الإمارات بعدستي ๑

السلام عليكم و رحمة الله و بركاته


اختي الغالية

" غناتي "





تسلم يمناج والله على هذا التصوير الجميل و المتميز منج

و تصويرج ماعليه كلام .. .. و الله يحفظ عروستنا ميرانه

و حليلها متعبينها الله يحفظها لاهلها يا رب

و تسلمين الغالية على هذي الصور الفنانه

همسه : سوينا لج دعاية في اذاعتنا

ههههههههههههههه


مع السلامه








الــمــفــتــون

 

[شوووق]

رد : ๑ مول الإمارات بعدستي ๑

لا ما عليهن كلام الصور
حلوات
وتسلم أيدينج
والله يخليها لكم الكتكوته
والسموحه منج

 

[غنَاتْيـے]

.
.

.
.
๑ قمر روس اليبال ๑
.
.
هلا بج عزيزتي..!
امس ماكان وايد زحمه..!
ربي يسلمج حبوبه..!
وشاكره لج مرورج..!
.
.
๑ سندريلا الشحوح ๑
.
.
يامرحبا مليون..!
المرحب لا هانج فديتج..!
هههه شو علموج العيوز..^.^
الله يبارك في حياتج..!!
هــاغ خلاص ماريدها دام اني حلفت..!!!
ربي يسلمج ويعافيج..!
وتراها تعبت من كثر مامشت..^.^
ربي لا هانج وجودج اسعدني..!
.
.

​